Argjentina u mund ditën e djeshme 0-3 nga Kroacia, duke bërë që të rrezikojë botërorin “Rusi 2018”. Skuadra amerikanio-latine mund të mos avancojë më tej edhe pse në ekip ka një yll si Leo Messi, që nuk arrin të realizojë në kombëtaren e tij. Humbja e djeshme ndaj Kroacisë ka bërë që edhe vetë lojtarët të drejtojnë gushtin nga trajnerin Jorge Sampaoli, pasi loja e ekipit lë shumë për të dëshiruar dhe vetë futbollistët janë të çoroditur në fushë.
Ndërkohë, pas humbjes ndaj Kroacisë vijnë akuzat e para edhe pse ekipi i ka shanset për kualifikim dhe duhet të rikuperojë energji për ndeshjen e tretë ndaj Nigerisë (do të luajë sot ndaj Islandës). Por në këtë takim ndaj ekipit afrikan në stolin e Argjentinës mund të jetë një trajner tjetër, pasi mediat ruse bëjnë me dije se 23 lojtarët kanë kërkkuar shkarkimin e menjëhershëm të trajnerit Jorge Sampaoli. Në vendin e tij në ndeshjen ndaj Nigerisë mund të jetë Jorge Burruchaga, kampion bote në vitin 1986.